سفاري نت – متابعات
بداية عشقي للسفر بدأ مع رحلتي لـ السفر الى تايلاند و السياحة في تايلاند، والحمد لله كانت وش السعد عليا، من بعدها ما بطلتش سفر، فتحت نفسي للتعرف على عوالم جديدة وثقافات مختلفة وتجارب مفيدة B| وفقا لموقع الرحالة?
أجمل المدن السياحية في تايلاند
بانكوك
ودي عاصمة تايلاند ومن أجمل المدن السياحية في تايلاند طبعا وهي قريبة في زحمتها من القاهرة، ولكن ممكن تتنقل فيها بسهولة بالمترو. بالنسبة للسكن في بانكوك أنصحك انك تبعد عن منطقة العرب ونانا لأن هتشوف فيها مناظر مش حتعجبك قوي، ممكن تسكن في منطقة سيام أو سيلوم ودول في رأيي أنضف كتير من نانا.
أحلى حاجة في بانكوك انك ممكن تسكن فيها في هوستل (سرير في غرفه مع ناس أغراب) ابتداء من 200 جنيه في اليوم (وطبعا منصحش بكده), نصيحة لو هتسافر بانكوك متقعدش في أي فندق أقل من 4 نجوم علشان تضمن مستوى نظافة وخدمة مميزين أثناء السياحة في تايلاند
الاسواق في بانكوك
بالنسبه للتسوق: فإن بانكوك ليست واحدى من أجمل المدن السياحية في تايلاند فقط بل هي جنة المتسوقين في تايلاند، الأسعار فيها رخيصة جدا جدا، وتقدر تفاصل بهبل، وأهم مجمعاتها هو MBK ولو بتحب الأسواق الليلية المفتوحة والجملة يبقى لازم أثناء رحلة السياحة في تايلاند تزور أسواق الباتونام، ولو كنت تاجر يا جميل وعاوز تعمل سبوبة ملكش إلا سوق شاتو شاك, التسوق في تايلاند محتاج مقالات مش سطرين وخلاص.
رحلات بانكوك أجمل المدن السياحية في تايلاند
1- الرحلة الأولى: رحلة سفاري وورلد بانكوك ودي أكبر حديقة حيوان في شرق أسيا, فيها بتمشي وسط الحيوانات وهي في بيئتها الطبيعية (يعني مش محطوطة في قفص) وفيه عروض كتير جدا (عرض الدولفين والأفيال والقرود والكاوبوي وكلب البحر والطيور) طول اليوم عروض.
2- الرحلة التانية: رحلة دريم وورلد بانكوك : ودي أكبر مدينة ملاهي في تايلاند زي ديزني لاند كده فيها برضه ألعاب كتير جدا تناسب الأطفال والكبار وأنصح بها بشده لو معاك أطفال أثناء السياحة في تايلاند
3- الرحلة المشهوره قوي برضه: رحلة السوق العائم في بانكوك (ويبعد عن بانكوك حوالي ساعة ونصف وده بتمشي بيه في مركب وسط النهر وبتتعرف على طبائع وعادات وتقاليد السكان المحليين وبتشوفهم وهم بيبعوا بضاعتهم سواء كانت من الفواكه الاستوائية أو الملابس والمشغولات اليدوية وكثير من المنتجات التايلاندية الجميلة التي تكون محمله على القوارب الصغيرة.
وبتم عملية البيع والشراء مع إلتقاء القوارب أو من على أطراف القناة المائية). طبعا بانكوك فيها رحلات تانيه كتير زي سيام أوشن وورلد والرحلة النهريه وزيارة معالم ومعابد بانكوك. ولكن دول أشهر رحلات بانكوك اللي ممكن تعملهم أثناء رحلة السياحة في تايلاند
بتايا أجمل المدن السياحية في تايلاند
طبعا تعرف إن ديزني لاند للأطفال, بتايا دي بقى ديزني لاند للشباب 3:) بتايا واحدة من أجمل المدن السياحية في تايلاند
و بتايا دي يا سيدي مدينة ساحلية تبعد عن بانكوك حوالي ساعة ونصف بالتاكسي أو الباص, وتقدر تزورها مباشرة في رحلة السياحة في تايلاندأول ما تنزل بانكوك وفي باصات كتير بتطلع من مطار بانكوك مباشرة إلى بتايا، اللي أقدر أقوله عليها ان متفكرش لثانية لو متجوز أو معاك عائله إنك تزورها لأن بتايا الصبح حماده وبالليل حماده تاني خالص.
لك أن تعلم انها المدينة رقم واحد للدعارة في العالم ( الإعارة يا حاجة الإعارة ). مدينة بالليل بتتحول لمكان لإرضاء شهوات زوارها وبس , لكن الميزة في تايلاند عموما ان مفيش حاجه بتتم غصب عنك, ومشفتش خلال زياراتي, مناظر منفرة لفردين مع بعض في الشارع لأن ده عندهم غير مسموح. عاوز تعمل حاجه إعملها في غرفتك ومحدش شايفك ومتجرحش مشاعر الناس.
الأنشطة السياحية في بتايا
بتايا بما إنها واحدة من أجمل المدن السياحية في تايلاند فيها رحلات حلوة الصبح: زي جزيرة كورال, وحديقة النمور وحديقة نونج نوتش ?وعالم تحت الماء بتايا . لكن أشك إن اللي بيروح بتايا بيروح علشان رحلاتها النهارية
شانجماي أجمل المدن السياحية في تايلاند
شانجماي مدينة جبلية في شمال تايلاند، وهي من أجمل المدن السياحية في تايلاند لازم تروحلها بطياره من بانكوك. هي مناسبة قوي كرحلة عائلية والمحبين للطبيعة والشلالات والهدوء، مدينة صغيرة ولطيفة ولو هتسكن فيها خليك في منطقة النايت ماركت, علشان فيها مطاعم وفيها أسواق ليلية غير كده هي كئيبة بالليل شوية.
الأنشطة السياحية في شانجماي
سفاري عروض الفيلة ماي تانج, جبل الغيوم دوي ايثاينون, قصر الملك وقرية دوي بوي, الشلالات والزهور, المنطقة الحدودية والمثلث الذهبي ماي ساي, رحلة نهر ماي بينج.
التعليقات مغلقة.