بالصور .. استمتع بأجمل 7 أيام في تايلاند بتكلفة لن تتخطى 3700 جنيه

برنامج سياحي في تايلاند

بالنسبة لـ تذكرة الطيران ، فالحقيقة اني استفدت من أحد العروض، اللي بتقدمها شركات الطيران ، لـ السفر الى تايلاند وحجزت رحلة ذهاب لـ بانكوك في تايلاند ، والعودة من كوالالمبورفي ماليزيا ، والسعر كان 2700 جنيه، لأن العرض كان تخفيض 50%.

 

وده معناه إنك لازم تتابع العروض بتاع شركات الطيران المختلفة، عشان تقدر تجيب ارخص تذاكر الطيران ، خاصة إذا عرفنا إن تذكرة الطيران دي بتكون أغلى حاجة في الرحلة.

عند وصولك لـ مطار بانكوك في رحلة السفر الى تايلاند يمكنك الخيار بين العديد من وسائل النقل لوسط المدينة. ستجد لوحات إرشادية في المطار توضح موقع كل وسيلة مواصلات، وسعرها، لتوفير المصاريف يفضل أن لا تركب التاكسي.

يمكنك ركوب ميني باص (8 ركاب فقط تقريبًا) بـ 100 بات (50 جنيه مصري) ليوصلك للمكان الذي ترغب فيه، أو ركوب أتوبيس بـ 35 بات، للمحطة الرئيسية ومنها تستطيع ركوب وسيلة نقل أخرى، لأي مكان تريد في بانكوك عاصمة تايلاند .

السياحة في تايلاند 

بانكوك من المدن اللي فيها شبكة مواصلات كويسة، في تقديري، سواء بالأتوبيسات العامة، أو الـ(sky train) وهو قطار معلق رابط المدينة كلها ببعضها، ومخلي السياحة في تايلاند أسهل.

وسواء كنت في تايلاند أو غيرها حاول إنك تختار الفندق بتاعك جنب محطة مترو أو قطار أو أتوبيس، بحيث إنك تقدر تنتقل من خلالها لأي مكان بكل سهولة وأيضًا تقدر توفر في النفقات، لأن كل وسائل النقل دي أرخص بكتير من إنك تركب تاكسي.

أنا شخصيا نزلت في منطقة خاو سان ، وهي منطقة حية جدًا في العاصمة التايلاندية ، ومكان تجمع الرحالة اللي بيزوروا تايلاند من كل الدول، فده بيخلي في مواصلات كتير قوي بتروحها. ومن هنا بدأت برنامج سياحي في تايلاند استمر لمدة 7 أيام.

إضافة لده إنها جنب القصر الملكي الكبير (Grand Palace)، يعني تبعد عنه حوالي 10 دقايق مشي، وكذلك معبد Wat Pho، وغيرهم، ممكن كمان تنزل في منطقة Nana ودي جنبها محطة مترو، ودي تعتبر منطقة العرب في بانكوك . لكن خاو سان بالنسبة لي كان خيار جيد في رحلةالسياحة في تايلاند

الفنادق في تايلاند

 

أسعار الهوستيل أو الفنادق في تايلاند اللي عايز تنزل فيها بتختلف على حسب احتياجاتك، ممكن تاخد سرير في هوستيل بـ 7 أو 8 دولار في الليلة، وممكن تاخد غرفة في فندق بـ 17 دولار أو أكثر.

أنا شخصيًا كنت باخد غرفة بسرير كبير في فندق بـ بانكوك ، بحوالي 15 أو 17 دولار في الليلة، اللي عايزك تعرفه إن مش كل الفنادق غالية وإن لازم يعني نقعد في هوستيل عشان نوفر.

ممكن ناخد في فندق غرفة بـ 15 أو 17 دولار في الليلة، وفيها سريرين، يعني تكلفة الفرد هتكون 7 أو 8 دولار برضه، بس هيكون الحمام مش مشترك وفي غرفة مع صديق لك، وده خيار مناسب في رأيي لـ السياحة في تايلاند ، إلا لو كنت عايز تقلل الميزانية أكثر.

برنامج سياحي في تايلاند لمدة 7 أيام

في البرنامج السياحي ده هندي لـ بانكوك ، 3 أيام، نحاول نزور فيهم أهم الاماكن السياحية في بانكوك ، بس خلينا مبدئيًا نكون عارفين طبيعة بانكوك كمدينة، عشان دي هي اللي هتحدد أي برنامج سياحي في تايلاند

يعني لما تفتح خريطة عاصمة تايلاند ، هتلاقي أهم العلامات على الخريطة هي رموز لمعابد بوذية، وده معناه إن معظم زياراتنا في بانكوك هتكون لمعابد، بس حقيقي معابد قادرة على إبهارك، وهتستمتع فيها بكل ما تعنيه الكلمة من معنى.. نركز بقى عشان هكلمك عن برنامج سياحي في تايلاند لمدة 7 أيام وهو تجربتي الشخصية.

برنامج سياحي في تايلاند : اليوم الأول

من خاو سان ، تقدر تتمشى لمدة 10 دقايق لحد القصر الملكي الكبير

(Grand Palace)، وهو مقر إقامة ملوك تايلاند ، وعبارة عن مجمع كبير لمبان ومعابد بوذية، ويعتبر درة تاج السياحة في تايلاند و السياحة في بانكوك تحديدًا ، تذكرته تقريبًا 500 بات، بس يستاهل، لأنك ممكن تقضي جواه يوم كامل عشان تشوفه.

 

لما تخلص جراند بالاس، تقدر تطلع مشي على معبد وات بو Wat Pho اللي لازم تكون زيارته ضمن أي برنامج سياحي في تايلاند وده المكان اللي اتصور فيه فيلم حرامية في تايلاند ، وده تذكرته بـ 100 بات، بتاخد عليها زجاجة مياه معدنية، المعبد فيه مبان ضخمة ورائعة، وتمثال ضخم لبوذا وهو متكئ على جانبه، وكمان لما زرته كان فيه معرض للصناعات الزراعية، زي مشتقات جوز الهند والبامبو وغيرهم.

السياحة في بانكوك 

 

لما تخلص معبد وات بو Wat pho تقدر تاخد قارب من مرفأ Tha Tien بحوالي 3.5 بات، للجانب الآخر من النهر، عشان تزور معبد وات آرون Wat Arun، ويعني معبد الفجر، وهو واحد من أجمل المعابد في بانكوك بإطلالته الساحرة على نهر تشاو فرايا. ومكان لازم يكون ضمن أيبرنامج سياحي في تايلاند المهم وانت بتركب القارب، اختار القارب اللي مش مرفوع عليه أعلام، عشان متدفعش فلوس كتير.

معبد وات آرون، يعد تحفة معمارية رائعة، ويقع وسط عديد من الأبنية الأثرية والمعابد، ويمكنك الوصول إليه أيضًا بالأتوبيس، وذلك عبر خطوط رقم 19، 57، و83، ورسم الدخول لا يتجاوز 50 بات تايلاندي. وأمام المعبد تباع العديد من الهدايا التذكارية، ويوجد العديد من المعابد المفتوحة للجمهور مجانًا.

بعد هذا اليوم الحافل بالزيارات، تستطيع قضاء ليلتك في شارع خاو سان، حيث ستلتقيالرحالة القادمين من جميع دول العالم، والذين يجلسون على الكافيتريات في الشارع، أو المطاعم أو يتسوقون، لذلك يجب أن تتصدر زيارة شارع خاو سان أي برنامج سياحي في تايلاند

برنامج سياحي في تايلاند : بانكوك

تقدر تاخد الصبح جولة في حديقة لومبيني ، وهي أكبر الحدائق في العاصمة التايلاندية بانكوك ، وسميت بهذا الاسم، نسبة إلى القرية التي يعتقد أن بوذا ولد فيها بـ نيبال

وتقع الحديقة في قلب بانكوك الحديثة، ويمكنك الوصول إليها سيرًا على الأقدام إذا كنت تسكن في وسط البلد، وكذلك يمكنك الوصول إليها بالمواصلات العامة كالأتوبيسات أو “قطار السماء” (BTS).

الدخول إلى حديقة لومبيني مجاني، كما يوجد بها العديد من الخدمات المجانية مثل “الجيم” والاهتمام باللياقة البدنية، حيث ستجد الكثيرين من التايلانديين والأجانب، يمارسون التمارين، ورفع أثقال، والجري، وركوب الدراجات.

كذلك يمارس البعض رياضة اليوجا في هذه الأجواء الساحرة.  في وسط الحديقة بحيرة صغيرة محاطة بالأشجار والنخيل وجوز الهند، يمكنك أخذ جولة فيها بمبلغ لا يتجاوز 40 بات تايلاندي لمدة نصف ساعة.. لا تنسى زيارة حديقة لومبيني يجب أن يتضمنها أي برنامج سياحي في تايلاند

معبد بوذا الذهبي في بانكوك

بعد نصف يوم في حديقة لومبيني ، اطلع على معبد بوذا الذهبي ، أو Wat Traimit ، ده المعبد اللي هتلاقي فيه تمثال بوذا الضخم المصنوع من 5.5 طن من الذهب الخالص، ورسم دخوله 20 بات فقط. ولازم يكون ضمن أي برنامج سياحي في تايلاند مهما كانت مدته

أو معبد وات ساكيت، وهو معبد مقام على تل صغير، وبقبة هرمية مصنوعة من الذهب، كأنه تاج يغطي قمة المعبد، ولكن استعد لصعود حوالي 320 درجة لتصل إلى المعبد. على بعد دقائق من معبد بوذا الذهبي ، يمكنك زيارة منطقة China Town ، ودي منطقة دايمًا بتكون حية، والحياة فيها بتبدأ بجد من بعد الساعة 5 أو 6 هتلاقي المطاعم والكافيتريات ومحلات كتير جدًا للتسوق.

برنامج سياحي في تايلاند : اليوم الثالث

لو عايز تكمل برنامج سياحي في تايلاند لمدة 7 أيام زي ما عملت بالضبط يبقى في اليوم ده، حاول تصحى بدري (زي كل يوم يعني 😀 ) وتطلع على السوق العائم في بانكوك ، أو الـFloating market ، ابعد تمامًا عن المكاتب السياحية اللي بتنظم رحلات للسوق، لأنها هتاخد منك مبلغ كبير جدًا.

الأفضل انك تطلع على محطة أتوبيس جنوب بانكوك ، وتاخد أتوبيس رقم 78، لمدة ساعة أو أكثر قليلًا، هينزلك قريب من السوق، تقدر تتمشى وتشوف القوارب وهي عايمة وبتبيع الخضار والفاكهة ناس في قوارب تانية بتقرب وتشتري منهم، لو حبيت تاخد قارب وتنزل السوق، متدفعش أكتر من 200: 250 بات.

السوق العائم في بانكوك 

ممكن بعد السوق تطلع على سوق تاني يعتبر أكبر سوق في آسيا ، هو Chatuchak market ، بتركب له قطار لمدة حوالي نص ساعة، وتنزل محطة kanphaeng phat، بعد ما تاخد جولتك فيه، تقدر تطلع على محطة Siam وتزور هناك Siam Center وSiam paragon، وهم مولين كبار جدًا، وفيهم كل الماركات المشهورة، ابتداء من الأكل والشرب لحد عربيات الرولز رويس.

 

برنامج سياحي في تايلاند : بتايا

مكملين مع برنامج سياحي في تايلاند لمدة 7 أيام وفي صباح اليوم الرابع، اذهب إلى محطة ekamai، استقل منها أول أتوبيس متجه إلى بتايا ، التي تبعد عن بانكوك حوالي 150 كيلومترًا، وتذكرته بـ 108 بات، بعد ما توصل بتايا ، ممكن تنزل في الفندق بإنك تطلع مباشرة من المحطة بفيزبا، ودي أرخص، وبيقولوا عليها في بتايا تاكسي، أو وسيلة المواصلات التانية عربية ربع نقل مقفلة من فوق، ده طبعًا جنب التاكسيات العادية.

المهم بعد ما تحط حاجتك في الفندق، متضيعش وقت واطلع مباشرة على “ميني سيام“، ودي حديقة رائعة، وضمن أي برنامج سياحي في تايلاند تذكرتها بـ 300 بات، فيها نماذج مصغرة لمعظم الآثار و الاماكن السياحية في تايلاند ، زي المعابد الهامة، والمطار ومبنى التلفزيون، كذلك نماذج أخرى لأهم الاماكن السياحية في العالم، زي أبو الهول، ومعبد أبي سمبل، وبرج بيزا المائل، وبرج إيفل وغيرها.

بوابة السفر و السياحة في بتايا 

ممكن تطلع من الحديقة على حديقة الصخور المليونية والتماسيح ، وكمان دي ضمن أي برنامج سياحي في تايلاند وهناك هتلاقي كمية مهولة من التماسيح والحيوانات الأخرى، إضافة إلى نمور من أنواع مختلفة، وكذلك الأفيال التي تستطيع التقاط الصور معها أو ركوبها والذهاب في جولة داخل الغابة.

هترجع الفندق على آخر اليوم، تقدر تطلع تمشي في شارع البحر، وكذلك في الأسواق الليلية، والاستمتاع بوقتك في الكافيتريات المنتشرة في كل مكان، المهم إوعى تضيع لحظة واحدة في رحلتك من غير ما تستمتع بيها.

برنامج سياحي في تايلاند : اليوم الخامس

في اليوم ده حاول تطلع الصبح على شط من شواطئ بتايا ، تستجم شويه على البحر، بس متضيعش وقت طويل، لأن البحر شايلين له أيام تانية مخصوص.

 

ممكن بعد كده تطلع على الفندق تغير هدومك وتطلع على قرية الأفيال في بتايا ودي لازم تكون ضمن أي برنامج سياحي في تايلاند ، هناك هتشوف عروض مختلفة للأفيال، زي ازاي كانوا بيستخدموا في الحروب، وكمان ممكن تشارك في إنك تحمي فيل 😀 وتقدر تركب فيل وتاخده في جولة داخل الغابة، وتشوف الحياة الطبيعية للمحليين اللي عايشين فيها.

السياحة في بتايا 

كمل بعدها يومك بقى لف في بتايا واتعرف عليها، هي مدينة سياحية من الطراز الأول، هتلاقي ناس من كل الجنسيات، امشي في شارع البحر وشارع المشي، وشوف الأسواق الليلية، واقعد في كافيتريا، واستمتع بيومك.

صحيح نسيت أقولك، في اليوم ده لازم تعمل تشيك أوت من الفندق الساعة 12 الضهر (سيب شنطتك فيه عادي)، عشان هتطلع على بانكوك بالليل، عشان تسافر منها لـ بوكيت ، أنا اللي تبعد عن بانكوك حوالي 800 كيلومتر، أنا شخصيًا سافرتها طيران من بانكوك ، واشتريت التذكرة بحوالي 400 بات (200 جنيه مصري).

 

برنامج سياحي في تايلاند : اليوم السادس

الليلة دي مش لازم تحجزها في فندق، هتقضيها سفر وقعدة مطار، ولما توصل فندقك الصبح، تقدر تحط شنطتك فيه، وتطلع على البحر، في هناك العديد من الشواطئ، من أشهرها شاطئ باتونج، اللي لازم يكون ضمن أي برنامج سياحي في تايلاند أو ممكن تعمل تشيك إن أول ما توصل، عشان تقدر تنام لك ساعتين، عشان تقدر تستمتع ببقية اليوم.

 

مهم نقول بقى في بوكيت إن شبكة المواصلات العامة فيها مش هتكون زي ما انت متخيلها، التاكسي هو وسيلة المواصلات الرئيسية، والتاكسي هناك هو عربية ربع نقل مقفولة، أو تاكسي عادي، بس تقدر تستعيض عنه بفيزبا. لما توصل المطار لو وصلت بالليل هتاخد عربيه زي الميكروباص، مع مجموعة أشخاص بمبلغ 120 بات للفرد، هتوصلك لحد الفندق بتاعك.

خلي اليوم كله بحر، وبالليل انزل اتمشى في شوارع بينتانج ، وروح منطقة السوق الليلي، وحاول ما تشتريش حاجة غير لما تسأل عنها في أكتر من مكان الأول، وفي السوق هتلاقي منطقة فيها مطاعم كلها مأكولات بحرية، وهتلاقي فيها كل حاجة، زي إنك مثلًا تلاقي جمبري الواحدة منه وزنها كيلوجرام.

برنامج سياحي في تايلاند : بوكيت

في اليوم ده، ممكن تحجز رحلة لأي جزيرة من الجزر القريبة من بوكيت وأشهرها جزيرة كو تابو المعروفة باسم جزيرة جيمس بوند، أو جزيرة بي بي Phi Phi

 

الجزر دي هتلاقيها ضمن برامج سياحية ( مش موجودة ضمن برنامجنا: برنامج سياحي في تايلاند ) بيصل سعرها لـ 2500 بات، بس انت تقدر تحجز ببساطة في قارب ينقلك لهناك من مواقع كتير على الإنترنت، بسعر حوالي 20 دولار ذهاب وعودة.

تقدر تقضي يوم كامل هناك وترجع بوكيت ، تقضي الليل في كافيتريا على البحر بعد ما تتمشى في الشوارع والأسواق، عشان تاني يوم تجهز نفسك للسفر.

برنامج سياحي في تايلاند لمدة أسبوع

ده تقريبًا كان برنامج سياحي في تايلاند لمدة 7 أيام وهو برنامج رحلتي إلى تايلاند ، وتكلفته لم تتجاوز 3550 جنيه، (من غير تذكرة الطيران ، واللي كانت ذهاب لـ بانكوك والعودة منكوالالمبور بحوالي 2700 جنيه لأنها كانت قبل التعويم أما بقية الرحلة فهي بأسعار بعد التعويم)فندق وأكل وانتقالات داخل المدن وبينها ومتها تذكرة طيران من بانكوك لـ بوكيت ، إضافة للمزارات اللي عامله لوحدها 700 جنيه.

علمًا إن التكلفة دي ( تكلفة برنامج سياحي في تايلاند لمدة أسبوع ) من الممكن أن تقللها بشكل كبير إذا قررت الحجز في هوستيل، كمان الميزانية محسوبة على غرفة بسرير كبير أو سريرين، يعني لو مسافرين شخصين تقدروا تقسموا تكلفة الفندق سوا. كمان تذكرتي كانت عودتها من ماليزيا ، وده اللي خلاني أحجز تذكرة طيران بحوالي 300 جنيه، من بوكيت لـكوالالمبور ، عشان أكمل جولتي.