افكار تقضي بيها عيد ممتع ومسلي في البيت

سفاري نت – متابعات

اغلبنا كان بينتهز فرصة اجازة العيد للسفر ، الخروج في اماكن مفتوحة ، او التجمع مع العيلة ، لكن السنة دي العالم كله في ظروف مختلفة جدا بسبب فيروس كورونا وممنوع علينا السفر والخروج والتجمع ، لكن ده اكيد مش هيمنع اننا نستمتع بالعيد وننبسط ، والنهاردة من خلال المقال بتاعنا هنقولك افكار للاستمتاع بالعيد في البيت وتقضي وقت حلو وتنبسطي مع عيلتك.

افكار للاستمتاع بالعيد في البيت:

اول حاجة عشان تحسي بالعيد وانتي في البيت ، جربي تعلقي زينة عشان تحسي بأجواء العيد وتعملي جو مبهج في البيت.

افكار للاستمتاع بالعيد في البيت
افكار للاستمتاع بالعيد في البيت

في اوقات كتير من الايام العادية ممكن تكوني مش بتلاقي وقت كفاية عشان تمارسي هوايتك المفضلة ، اجازة العيد في البيت هتكون فرصة كويسة جدا انك تمارسي اي هواية سواء مشغولات يدوية ، كتابة ، رسم ، طبخ ، اي حاجة انتي بتحبي تمارسيها في وقت فراغك.

خصصي وقت لنفسك تستجمي فيه وتعملي فيه الحاجات اللي بتحبيها ، ممكن تقري كتابك او روايتك المفضلة ، اتفرجي على فيلمك المفضل ، او حتى قومي اعملي لنفسك مكياج ، جربي تسريحة جديدة ، اكيد القعدة في البيت متمنعش ابدا انك تهتمي وتدلعي نفسك.

ممكن تستغلي البلكونة او سطح البيت او لو عندك رووف او جنينة في البيت ، ممكن تعملي فيها حفلة شوي صغيرة مع عيلتك.

عن فريق التحرير

شاهد أيضاً

قرص العسل السداسي أحدث أنماط الديكور الداخلي

سفاري نت – متابعات عندما يتعلّق الأمر بإلهام المُصمّمين، لا حدود للطبيعة الخارجية، مع كل …